O vindeiro sábado 18 de xaneiro voltamos de novo o IFEVI para acoller a celebración do VII CONCURSO DE RONDALLAS organizado pola Federacion de Rondallas da Area Metropolitana de Vigo.

Contaremos coa actuación de 14 rondallas pertencentes a varios concellos da zona sur de Pontevedra.

Así mesmo este evento será gravado co motivo da rodaxe dunha película titulada “Rondallas”, que está sendo producida polo prestixioso director de cine D. Daniel Sánchez Arévalo.

O prezo da entrada será de 3€ e poderanse mercar en calquera das rondallas participantes ou en taquilla no IFEVI o mesmo día do evento a partires das 15:00h.