O artista Puertoriqueño ofrecerá en Vigo o próximo 25 de xullo, un concerto en pleno apoxeo do seu éxito "Despacito"
08/05/2017
O Día de Galicia, foi a data elixida para que Luís Fonsi ofreza un único e exclusivo concerto da man de Virvi Fraga Producións para Galicia.
O cantante de Universal Music chega a Galicia tras unha ampla traxectoria no mundo da música. Máis de 8 xiras aválano, e éxitos como "No me doy por vencido", "Llegaste tú", ou "Corazón en la maleta” convertéronse en números 1 das listas musicais de todo o mundo.
Actualmente o artista arrasa co seu último single xunto a Daddy Yankee "Despacito", sendo a canción do ano con máis de 1.200.000 visualizacións, batendo records, ao que se uniu nos últimos días o cantante Justin Bieber ,alcanzando xa, a cifra de máis de 120 millóns de reproducións en Youtube.
O Concerto terá lugar no Instituto Feiral de Vigo (IFEVI), con capacidade para 10.000 persoas, as entradas roldarán entre os 23€ e os 100€, e estarán dispoñibles na plataforma www.ticketea.com. O día exacto da saída á venda das entradas desvelarase nuns días.
PROMOTORA DO CONCERTO: VIRVI FRAGA PRODUCCIONES.
