Tras o éxito dos eventos virtuais e presenciais da Iª edición da Finde.Ou que se desenvolveron durante o ano 2016, no que participaron en conxunto máis de duascentas empresas e puntos de información de toda Europa, promovendo a xestión de máis de quince mil candidaturas a ofertas de emprego, as Universidades de Porto, Vigo e Tras-Os-Montes e Alto Douro organizan por segunda vez a Finde.Ou II Feira Internacional do Emprego Universitario que terá lugar en Porto no 17 e 18 de outubro e en Vigo entre o 24 e o 25 de outubro, ambos en 2017.

Coa organización deste evento presencial conxunto, as tres universidades darán a oportunidade durante catro días a estudantes e persoas titular de todas as áreas de coñecemento de manter contacto directo con organizacións e empresas que demandan o talento universitario da eurorrexión.

A Finde.Ou é un evento aberto a estudantes e titulados/as de calquera universidade, que lles ofrece:

1.   Contacto directo cos responsables de RRHH de empresas e organizacións

2.   Ofertas de emprego, bolsas e prácticas.

3.   Procesos de selección a medio e longo prazo.

4.   Entrevistas de traballo.

5.   Sesións informativas e talleres.

HORARIO: 10:00 h a 18:00 h 

Inscrición: https://beamian.com/finde/

Máis información: www.uvigo.gal/findeu-2017