O pasado 10 de Marzo tivo lugar a entrega de diplomas e obsequios aos alumnos distinguidos dos diferentes centros educativos que participaron na X Edición do Concurso de Pintura de Vigolandia, no Instituto Feiral de Vigo, baixo a temática de ?As Cores do Nadal?. Esta entrega tivo lugar na Alcaldía de Vigo e estivo presidida por D. Abel Caballero, Alcalde de Vigo e D. Arsenio Prieto, Director Xerente de IFEVI. O Alcalde fixo unha mención especial á gran calidade dos traballos realizados por estes nenos e agradeceu aos colaboradores presentes a súa contribución a Vigolandia e a este certame de pintura.