Situada no sur de Galicia, na ría que lle dá nome, a cidade de Vigo é o maior foco de concentración económica e urbana dunha mancomunidade de case medio millón de habitantes. Punto de converxencia dos fluxos económicos da Eurorregión Atlántica, Vigo representa un eixe determinante nas relacións co norte de Portugal, unha situación reforzada grazas a unha excelente rede de comunicacións.

Cosmopolita e dinámica, a cidade olívica conta cun dos portos marítimos máis importantes do mundo. Enclaves de exquisita beleza (Illas Cíes, areais e praias, miradoiros naturais...) constitúen un dos maiores reclamos que descubrir nun ámbito único pola súa calidade infraestructural e de servizos.

Vigo, con marcada identidade propia, a ampla oferta cultural, gastronómica, deportiva e de ocio que ofrece a cidade, constitúe sen dúbida a mellor garantía para o desenvolvemento integral dunha oferta turística de calidade.

Concello de Vigo:

https://hoxe.vigo.org

Turismo de Vigo:

www.turismodevigo.org

Ahosvi:

www.hotelesdevigo.org